జీవితం

పెద్దల జీవితం -పిల్లల భవిష్యత్తు.

      పెద్దల జీవన విధానమే, పిల్లలకు జీవిత పాఠాలుగా మారతాయి.వివాహంతో ప్రారంభమౌతుంది జీవితం.పిల్లలకు పూర్వరంగం.

అత్తవారింటికి చేరింది కోడలు.చక్కగా అత్తగారింటిని అర్ధం చేసుకోవడం మొదలు పెట్టింది.అత్తగారుకుడా ఎంతో ఓపికగా అన్నీ చె పుతారు. అపుడు ఆమె తమ అత్తగారి ఔన్నత్యం,తనకు అన్నీ నేర్పిన వైనం,అలానే ఆడ పడుచులతోఉన్న చక్కని అనుబంధం,

అలానే బావ గారిని గౌరవించడం కానీ,మరుదులతో సోదరిలా మెలగడం గాని,ఇలా ఎన్నో సంగతులు తెలియజేస్తారు.దీనికి ఆమె

ఎంతో సంయమనం పాటిస్తారు.తన పుట్టింటిని గురించి ఏమీ చెప్పరు. ఇలా ప్రవర్తించడం వలన,వచ్చిన కోడలికి కూడ చక్కని

అవగాహన ఏర్పడుతుంది తన ఇంటి గురించి.అంతేకాదు తన పుట్టింటి గురించిన ఆలోచనలు కూడా తగ్గు ముఖం పడతాయి.అదే

అత్తగారు తన పుట్టింటి కబుర్లతో కాలక్షేపం చేస్తే,కొడలుకూడ తన పుట్టింటిని విడిచి వేరే ఆలోచనను చెయ్యదు.

             అలానే భగవంతుని పూజ,వారి ఇంట్లోని విషయాలు,నమ్మకాలు తెలియజేస్తారు.చక్కని నియమాలు పాటిస్తూ మార్గ

దర్శనం చేస్తారు.ఇందులో భాగంగా విష్ణువు,లక్ష్మీదేవి,తల్లి,తండ్రులుగాను,శివ,పార్వతులు వారికి తల్లితండ్రులుగాను భావించి

ప్రతి విషయాన్ని వారి ముందు ఉంచి,ప్రయత్నం చేసి,అయితే,దానితో తమకు అవసరం ఉందని,అవకపోతే ఇబ్బందులు పడకుండా

భగవంతుడు రక్షించాడని, ఎప్పుడూ తమకు భగవంతుని అనుగ్రహం పుష్కలంగా ఉందనే భావాన్ని గృహంలో కలిగిఉండాలి.

దీనివలన ఇంట్లో పాజిటివ్ ఏటిట్యూడ్ పెరుగుతుంది.

       

      ఈ రకమైన వాతావరణంలో వచ్చిన పిల్లలు చక్కని భవిష్యత్తు కలిగి ఉంటారు.వీరికి జీవితాన్ని ఏకోణంలో చూడలో తెలుస్తుంది.

ఎప్పుడూ, ఎక్కువగా పొంగిపోకుండా,అలానే కుంగిపోకుండా జీవితాన్ని చాలా స్పష్టంగా జీవిస్తారు.అలానే భావితరాలకు చక్కని

మార్గదర్శనం చెయ్య గలుగుతారు.